නවසීලන්තයේ සේවකයන්ගේ annual leave සහ sick leave ගෙවීමේ ක්රමවේදය වෙනස් කිරීමට රජය විසින් ප්රධාන තීරණයක් ගෙන තිබෙනවා. “Holidays Act 2003” පනත වෙනුවට නව “Employment Leave Act” නමැති පනතක් ගෙන ඒමට Cabinet එකඟ වී ඇති බව නවසීලන්තයේ කම්කරු සබඳතා සහ ආරක්ෂාව පිළිබඳ අමාත්ය බෲක් වෑන් වෙල්ඩන් (Brooke van Velden) මහත්මිය නිවේදනය කළා.
මෙම වෙනස්කම්වල ප්රධාන අරමුණ වන්නේ දැනට පවතින complex සහ සේවා යෝජකයන්ට හා සේවකයන්ට දෙපිරිසටම uncertain වූ ක්රමවේදය සරල කිරීමයි. එසේම, වසර ගණනාවක් තිස්සේ incorrect calculations නිසා ඇති වූ ගැටලු නිරාකරණය කර, සියලු දෙනාටම පැහැදිලි හා සාධාරණ ක්රමයක් establish කිරීමත් මෙහි අරමුණක්.
ප්රධාන වෙනස්කම් මොනවාද? (What are the key changes?)
- “පැය ගණන අනුව” නිවාඩු උපයන ක්රමය (Hours-based accrual): දැනට පවතින “සති මත පදනම් වූ” නිවාඩු හිමිකම් ක්රමය වෙනුවට, සේවකයින් විසින් වැඩ කරන සෑම පැයකටම direct proportional ආකාරයෙන් annual සහ sick leave උපයාගැනීමේ ක්රමයක් හඳුන්වා දී තිබෙනවා.
- Annual Leave: ඔබ වැඩ කරන සෑම පැයකටම 0.0769 ක නිවාඩු පැය ගණනක් accrue වෙනවා. මෙය දළ වශයෙන් වසරකට සති 4ක නිවාඩුවකට සමානයි.
- Sick Leave: ඔබ වැඩ කරන සෑම පැයකටම 0.0385 ක නිවාඩු පැය ගණනක් accrue වෙනවා. මෙය full-time සේවකයෙකුට වසරකට දින 10ක sick leave එකකට සමානයි.
- පළමු දවසේ සිටම නිවාඩු උපයනවා (Accrual from day one): නව ක්රමවේදය යටතේ සේවකයෙකු රැකියාව ආරම්භ කළ පළමු දිනයේ සිටම leave උපයා ගැනීමට පටන් ගන්නවා. දැනට, annual leave සඳහා continuous service වසරක් සම්පූර්ණ කළ යුතු අතර, sick leave සඳහා මාස 6ක් සේවය කළ යුතුයි. මෙම වෙනස සේවකයන්ට විශාල relief එකක්.
- අසනීප නිවාඩු ප්රමාණය (Pro-rata sick leave): පූර්ණ කාලීන (full-time) සහ අර්ධ කාලීන (part-time) සේවකයන් දෙපිරිසටම දැනට දින 10ක sick leave ප්රමාණයක් ලැබෙනවා. නව පනත යටතේ, sick leave entitlement එක ඔබ සැබවින්ම වැඩ කරන පැය ගණනට proportional වේ. එබැවින් part-time සේවකයන්ට sick leave ප්රමාණය අඩු වීමට ඉඩ තිබෙනවා.
- Casual සේවකයන්ට වැටුපට අමතර ගෙවීමක්: Casual employees සඳහා leave වෙනුවට, ඔවුන් වැඩ කරන සෑම පැයකටම 12.5% ක අමතර ගෙවීමක් (“Leave Compensation Payment”) එකතු කිරීමට යෝජනා වී තිබෙනවා. දැනට පවතින 8% Pay-As-You-Go ක්රමයට වඩා මෙය වැඩි වීමක්.
- නිවාඩු පැය ගණනින් ලබා ගත හැකියි (Taking leave in hours): දැන් ඔබට සම්පූර්ණ දවසක් වෙනුවට, ඔබට අවශ්ය නිවාඩු පැය ගණන පමණක් ලබා ගැනීමට හැකි වෙනවා. මෙය සේවකයින්ට වැඩි flexibility එකක් සපයනවා.
- නිවාඩු මුදල් බවට පත් කිරීම (Cashing up leave): දැනට වසරකට එක් සතියක නිවාඩු ප්රමාණයක් පමණක් මුදල් බවට පත් කිරීමට අවස්ථාව තිබුණා. නව වෙනස්කම් යටතේ, සේවකයන්ට ඔවුන්ගේ මුළු annual leave balance එකෙන් 25% ක් දක්වා මුදල් බවට පත් කිරීමට request කළ හැකියි.
- ශෝක නිවාඩු සහ පවුල් ප්රචණ්ඩත්වය සඳහා නිවාඩු: Bereavement leave සහ family violence leave රැකියාවට සම්බන්ධ වූ පළමු දිනයේ සිටම ලබා ගැනීමට හැකි වේ.
මීළඟට කුමක් වේද? (What happens next?)
මෙම නව පනත “Employment Leave Bill” නමින් නීතියක් බවට පත් වූ පසු, සේවා යෝජකයන්ට සහ payroll systems සකසන්නන්ට අනුගත වීමට මාස 24ක කාලයක් ලබා දෙනු ඇත. කෙසේ වෙතත්, මේ වන විටත්, පවතින “Holidays Act” පනතේ rules සියල්ලම තවදුරටත් වලංගු වන බව මතක තබා ගන්න.
